Trin serra il quint 2014 equilibrà. La radunanza communala ha approvà il quint communal cun in gudogn da radund 40'000 francs - tar entradas ed expensas da 6,9 milliuns francs. Quai suenter amortisaziuns da bun 900'000 francs e schliar reservas da total 850'000 francs.
Ultra da quai han ils da Trin concedì in credit da 190'000 francs per la punt Bargis. Plinavant ha la suprastanza infurmà che las tractativas da concessiun cun l'Axpo sajan vegnidas sistidas la fin da l'onn senza ina cunvegna. La concessiun per l'ovra Pintrun scada il 2026.
