Gievgia saira curt avant las tschintg ha in auto tutgà a Trin vitg ina dunna sin las strivla da peduns e blessà ella mezgrev. Tenor la Polizia chantunala dal Grischun ha la dunna da 76 onns traversà la strivla melna tar il Volg a Trin. Latiers ha in automobilist da 81 onns ch'era en viadi en direcziun Tumein tschiffà la dunna frontal cun ses auto.
Medi e sanitaris da la Rega ed in'equipa d'ambulanza han fatg l'emprim agid e la Rega ha sgulà la dunna blessada en l'Ospital chantunal a Cuira.