La Trofea Péz Ault dal 2019 ha lieu dals 22 als 24 da mars 2019. Organisada vegn ella dals responsabels per la Trofea Péz Ault e dal Club alpin svizzer. Sco Leo Condrau, il president dal comité d'organisaziun ha ditg, vegnian curridurs da l’entir mund a prender part da la concurrenza. Els quintian cun 80 fin 100 participants e radund 200 aspectaturs.
La cuppa mundiala vegn fatga en duas variantas. Ils profis absolvan la varianta verticala, vul dir els van mo cun las pels da Caischavedra ensi fin Lai alv. Quai saja ca. 800 meters differenza d’autezza. L’autra cursa è la Trofea Péz Ault usitada.
Per els saja la cuppa mundiala cun skis da turas il punct culminant dal giubileum da 10 onns Trofea Péz Ault, ha ditg Condrau vinavant.
RR actualitad 12:00