Las relaziuns da naiv, las prognosas d’aura sco era il privel da lavinas èn quest onn uschè bunas sco mai anc ils ultims 10 onns. Quai di il maina-cursa Giochen Bearth. Per el è surtut la fascinaziun da la cuntrada e las relaziuns ch’èn mintg’onn differentas la pli gronda fascinaziun da questa cursa nua che mintgin po sa participar.
Cursas d'alpinissem da sport popularas en Svizra romanda
Malgrà che las relaziuns èn idealas n’hai era quest onn betg uschè bleras annunzias ord la regiun da la Svizra tudestga. Quai haja da far che blers curriders na veglian betg sa participar a cursas organisadas. Tut autra saja la situaziun en Svizra Romanda. Qua sajan sumegliantas cursas popularas vendidas ora en curt temp, di Giochen Bearth.
Il principal saja che tuts sajan cuntents e hajan in surrir en fatscha.
E quai saja stà surtut tar ils numerus voluntaris en quels 10 onns il cas, di Giochen Bearth. Quest onn saja l’engaschi da tuts dubel dumandà, perquai ch'il regal da giubileum hajan procurà per dapli lavur. Ma la pussaivladad per talas cursas da la cuppa mundiala sajan dadas en la regiun. Sche quai dat ina cuntinuaziun cun cursas da la cursa mundiala parallel cun quellas da la «Trofea Péz Ault» n’è anc betg decis.
RR Actualitad 12:00