Siglir tar il cuntegn

Header

cuntegn

Surselva Trun: Beat Pfister nov president dal cussegl communal

Durant sia emprima sesida da l'onn nov ha il cussegl da vischnanca da Trun fatg las elecziuns per il proxim temp d'uffizi.

Il cussegl da vischnanca da Trun ha elegì il glindesdi saira Beat Pfister sco nov president e Rita Wolf sco nova vice-presidenta dal cussegl da vischnanca per il 2018. Vice-president da vischnanca è fin il 2020 Lucas Arpagaus. Quai scriva il Bündner Tagblatt.

Medemamain ha il cussegl da vischnanca elegì tut las cumissiuns e tut ils represchentants da las autoritads en autras instituziuns fin il 2020. En la cumissiun da bajegiar èn uschia: Gion Andrea Nay, Remo Giger, Marcus Schmed e Thomas Wolf sco era il schef dal departament da construcziun Kurt Wolf.

Ultra da quai ha il cussegl approvà ina revisiun parziala da la planisaziun locala per la via Ferrera, Schlans-Tujals, Caltgeras e Campliun. Ils votants e las votantas da Trun decidan ils 4 da mars davart la revisiun.

Artitgels legids il pli savens