Uffants da Cuira, Weesen, Meggen etc.
Tranter ils uffants da tschintg fin 16 onns èn era stads intgins uffants da la Bassa. In da quels è Madlaina Wölfle da Meggen (chantun Lucerna). Ella ha sis onns e di ch’ella saja vegnida cun ses geniturs e sia sora a Trun. In’autra mattatscha è Elina Wieland da Cuira. Ella stettia tar il tat e la tatta a Darvella; ed il bab e la mamma vegnian alura a tadlar il concert da la sonda. Era Laurin Candinas (Cuira) di ch’el saja vegnì a star tar ses tat e sia tatta.
Era intginas mammas accumpognan lur figls e figlias, tranter auter la Simona Truog che abitescha a Weesen (chantun Son Gagl). Ella saja la sora da la Rilana Cadruvi ed haja adina manegià ch’i saja donn che ses uffants stettian en la Bassa e na possian betg chantar tar Rilana en il chor d’uffants. Uss saja quai pussaivel da laschar vegnir ils uffants a chantar in'emna.
-
Bild 1 von 7. Exercizis da chantar en halla da gimnastica . Bildquelle: RTR, H. Giger.
-
Bild 2 von 7. Preparativas. Bildquelle: RTR, Hubert Giger.
-
Bild 3 von 7. Ils uffants èn sa rimnads. Bildquelle: RTR, Hubert Giger.
-
Bild 4 von 7. En acziun. Bildquelle: RTR, Hubert Giger.
-
Bild 5 von 7. Flavia Walder durant in exercizi. Bildquelle: RTR, Hubert Giger.
-
Bild 6 von 7. Rilana Cadruvi durant in exercizi. Bildquelle: RTR, Hubert Giger.
-
Bild 7 von 7. Elina Wieland da Cuira, Niculin Truog da Weesen, Laurin Candinas da Cuira (da sanester). Bildquelle: RTR, Hubert Giger.
Reclama a bucca
Il motiv ch'intgins uffants èn vegnids si da la Bassa saja probabel tras la reclama a bucca e blers vegnian a far vacanzas ed hajan era parents en la regiun. Uschia hajan ils geniturs forsa era tramess lur uffants per tgirar in pau il linguatg mamma, di Rilana Caduvi.
Motivar e tgirar enavant il chant
Per ella e Flavia Walder, che han in chor d'uffants, saja quai era ina chaschun da recrutar novas chantaduras e chantadurs. I saja impurtant da motivar e tgirar enavant il chant per ch’ils chors hajan era en l’avegnir chantadurs. L’emna da chant a Trun dovria blera energia, e la saira saja ella mintgamai stancla, dentant cuntenta. E probabel datti il 2018 puspè in tal eveniment per uffants.
RR actualitad 07:00