Il cumponist, dirigent e promotur dal rumantsch Carli Scherrer è mort en la vegliadetgna da 84 onns en la «Casa Sogn Martin» a Trun. Quai ha confermà sia famiglia envers RTR.
Suenter il seminari da scolasts ha Scherrer dà scola a Trun durant 24 onns. Dasper ha el tranter auter dirigì la musica, il chor cecilian ed il chor da Schlans. En il decurs da sia vita ha el er cumponì passa 120 chanzuns per la scola sco er per chor viril e maschadà. Tranter auter er sia gronda cumposiziun «La passiun e levada da Jesus Christus».
En l'entira Rumantschia è el er enconuschent sco promotur dal rumantsch. Suenter ses temp sco scolast è el stà l'emprim collavuratur regiunal da la Lia Rumantscha en Surselva.
Or da l'archiv
