Siglir tar il cuntegn

Header

Navigaziun

Plattas nairas che na sumeglian betg collecturs solars.
Legenda: Il pli novs collecturs d’energia solara montai vit la chasa Tuor a Trun. RTR, Reto Pfister
cuntegn

Surselva Trun: Casa Tuor cun cellas solaras vid la fatschada

La chasa amez il vitg è singulara en Surselva: La part nua che la scala è vegnida construida vegn cuverta cun cellas solaras. La planisaziun ha il biro d’architectura da l’interpresa Tarcisi Maissen SA fatg.

Colur d'antracit

Las cellas solaras sin la fatschada èn en colur d’antracit. En collavuraziun cun la firma Soller da Domat ha la Tarcisi Maissen installà quellas. Sco Flurin Maissen di hajan els chattà questa schliaziun, perquai ch’els n'hajan betg pudì travestgir la part cun la stgala cun lamellas da lain pervia da la lescha da fieu.

Adattar la colur a la fatschada

In avantatg da las cellas solaras vid fatschadas è ch’ellas produceschan energia durant 12 mais l'onn. Quai conceda era il schef da la Soller, Robert Cavegn. Ultra da quai possian ins era adattar la colur a la fatschada, sch’ins haja ina paraid da lain ubain da crap. Sco Cavegn di saja la Casa Tuor ina da las emprimas en Surselva cun quest sistem innovativ.

RR Total local 11:45