Siglir tar il cuntegn

Header

cuntegn

Surselva Trun cun in cashflow da 840'000 francs

Il cussegl da vischnanca da Trun ha approvà glindesdi saira il quint communal dal 2017. Quel serra cun expensas da 7’986’876 francs ed entradas da 7’966’381 francs cun in deficit da 20’494 francs. Il gudogn avant amortisaziuns (cashflow) munta a 842’242 francs.

Il quint d’investiziuns serra cun expensas da 2’105’517 francs ed entradas da 1’606’552 francs. Las posiziuns pli grondas èn il project via Munt cun 1’125’766 francs, la sanaziun da vias communalas cun 233’767 francs e la sanaziun da la via principala cun 225’998 francs.

Edecom SA vul bajegiar ina halla

Plinavant ha il cussegl da vischnanca era approvà pliras tractandas:

  • Il quint 2017 da la meglieraziun da Schlans
  • La revisiun parziala dal reglament per il diever da stabiliments communals
  • Da vender la parcella 3'005 a Michel Deplazes e Carla Guldimann. Els vulan construir ina chasa.
  • La dumonda da la fatschenta Edecom SA per in dretg da bajegiar sin parcella 3'049. Il cussegl ha autorisà la suprastanza dad exequir questa fatschenta.

Eugen Monn vul construir ina halla sin parcella 3'049 en la zona d’industria a Clius. Sia finamira è da laschar a tschains l'infrastructura per occurrenzas pli grondas, saja quai mobigliar, tribunas moviblas etc.

RR novitads 12:00

Artitgels legids il pli savens