Il president da la vischnaunca Trun Dumeni Tomaschett candidescha per ina ulteriura perioda d’uffizi. Quai ha el confermà ad RTR. Er ils commembers da suprastanza Erica Cavegn-Pfister, Lucas Arpagaus e Kurt Wolf candideschan puspè. Il cumenzament settember è vegnì enconuschent che Martino Della Valle candidescha da nov per il quart post en suprastanza.
Demissiunà suenter 6 onns ha sulet Giachen Albrecht. Las elecziuns per la suprastanza communala da Trun èn ils 27 da settember. Il cussegl da vischnanca e la cumissiun da gestiun vegnan elegids ils 29 da november.
