Siglir tar il cuntegn

Header

cuntegn

Trun Dus frars a la testa da la vischnanca

Dapi quest onn è Baseli Tomaschett president dal cussegl da vischnanca. Ses frar Dumeni è president communal.

audio
Ils frars Tomaschett: omadus a la testa da la vischnanca da Trun
02:46 min, Actualitad dals 06.02.2021.
laschar ir. Durada: 02:46 minutas.

«Nus vegnin perina»

Els dus vegnian perina, di Baseli. L’emprima sesida saja gia gartegiada. Sco president dal cussegl da vischnanca da Trun stoppia el manar las sesidas, preparar la glista da tractandas cun la suprastanza e – sche pussaivel – era represchentar il cussegl a tscherts arranschaments. Ed i saja en in tschert senn pli simpel da collavurar.

Nus vain alura pli simpel da sa discurrer in cun l’auter e na stuain betg ir en sin las formalitads da signur president communal ed uschia.
Autur: Baseli Tomaschettpresident dal cussegl communal

Naginas grondas discrepanzas

Dumeni Tomaschett di, che fin uss eran presidentas e presidents dal cussegl plitost leds sch’els pudevan vegnir per cussegl tar la suprastanza. El na crai betg ch’i dettia grondas discrepanzas, er betg sch’in frar saja president.

El na saja betg stà surstà, che Baseli saja vegnì elegì a la testa dal parlament. L’onn passà saja el stà vicepresident.

Insaco fa quai plaschair che nus essan dus da la medema famiglia qua al timun da la vischnanca da Trun. Quai hai forsa anc mai dà.
Autur: Dumeni Tomaschettpresident communal

Ed ha questa constellaziun era dischavantatgs?

Jau sun mo 1 onn. El po star 3 onns, uschia ch’el ha bel far: el po sa retrair in zic e vegnir l’auter onn cun il ses.
Autur: Baseli Tomaschett

E tge di il president communal?

Jau sun il 7avel onn president communal. Quai vul dir ch’jau hai gì 7 differents presidents dal cussegl e fin uss essan nus adina vegnids perina.
Autur: Dumeni Tomaschett

RTR actualitad 08:00

Artitgels legids il pli savens

Scrollar a sanestra Scrollar a dretga