La finamira saja da nizzegiar sinergias ed ina represchentaziun communabla, scriva la nova associaziun. Ella è vegnida fundada sin iniziativa dal museum Cuort Ligia Grischa (Trun), dal museum Waltensburger Meister (Vuorz), dal museum da la claustra Mustér, da la Casa d'Angel / Archiv cultural Lumnezia (Lumbrein) e dal Museum regiunal Surselva (Glion). Sco quai che AMAS communitgescha sajan er ils ulteriurs museums ed archivs en Surselva envidads da daventar commembers.
Intent e finamiras
En emprima lingia vul la nova associaziun represchentar e mantegnair ils interess communabels sco per exempel la lavur en la publicitad, ina cumparsa communabla (p.ex. cun ina pagina d'internet) ed er stgaffir plazzas communablas. Vitiers vul l'associaziun er promover la politica culturala regiunala cun ina clav da repartiziun finanziala. Tranter auter duai vegnir fundada ina cumissiun da cultura regiunala ed ensemen cun las vischnancas e la regiun ina strategia da cultura regiunala.
ezembed