Siglir tar il cuntegn

Header

cuntegn

Trun Giusep Tschuor è mort

Il musicist, dirigent ed organist Giusep Tschuor è mort en la vegliadetgna dad 81 onns. El saja sa disgrazià mardi passà sur Trun sin ses mises. Quai rapporta La Quotidiana.

El era vi da meglierar in trutg datiers dal mises. Ins suppona ch'el è lura cupitgà e crudà radund 120 meters d'ina spunda taissa giu, sco la Polizia chantunala scriva. La saira n'han confamigliars betg pudì contactar el ed els han alarmà la polizia. Suenter che gidanters han chattà el, ha in medi da la Rega sulet pudì constatar sia mort.

Tschuor ha scrit musica per numerusas poesias

Tschuor è naschì il 1940 a Sagogn. Malgrà ch’el ha passentà la gronda part da sia vita en la Bassa saja el adina stà en stretg contact cun sia patria. Tschuor è stà enconuschent oravant tut sco cumponist. El ha scrit musica per numerusas poesias. Sco musicist multifar ha el adina puspè preschentà concerts en numerusas baselgias e chapluttas da l'entira Surselva.

RTR novitads 17:00

Artitgels legids il pli savens