Paucs giasts
En quest inserat ha l’um da 76 onns era scrit che l’ustaria saja serrada la damaun. El na possia darar vender cornets, paunins e la platta cun tagliadiras e chaschiel. Era durant il di sajan las frequenzas magras. Per meglierar la situaziun haja el installà in automat da musica sco ins enconuscha dals onn 50 e 60. Quai surtut per ils giuvens dal vitg. Ma sche quai na gidia nagut, stoppia el serrar l’ustaria e mo avrir ella sin empustaziun.
I na saja betg stà ina smanatscha
Albert Wäspe di che quai na saja betg stà ina smanatscha. El saja in cun paca pazienza. Ma uss haja el puspè avert il restaurant la damaun. El conceda dentant ch’el haja paucs giasts durant l’emna, in pau meglier saja quai mintgamai il venderdi e la sonda saira.
RR actualitad 11:00