Trun: Il plaz visavi la Cuort Ligia Grischa vegn engrondì

La via chantunala tras Trun vegn sanada – e quai ha dà l’impuls d’engrondir il plaz visavi il museum. Previs èsi da far 20 parcadis libers dapli. Glindesdi saira ha la suprastanza communala infurmà il cussegl da vischnanca.

Il plaz visavi la Cuort Ligia Grischa Bild in Lightbox öffnen.

Legenda da maletgs: Il plaz visavi la Cuort Ligia Grischa RTR, H. Giger

L'entrada dal museum sursilvan, la «Cuort Ligia Grischa», manava directamain sin la via chantunala. Perquai hajan ils manaders dal museum giavischà da spustar la via chantunala di il president communal da Trun Dumeni Tomaschett. Uss vegn la via spustada per dus meters.

I duai dar in curtin sco lieu da s'entupar

Cun il material che vegn prendì davent tras la sanaziun da la via duai vegnir emplenì il prà da l'autra vart da la via. Uschia vegn tant engrondì il parcadi existent sco er il curtin cun la funtauna dad Aluis Carigiet. Il curtin cun plantas, bancs e la funtauna duess er vegnir in lieu da s’entupar.

800'000 francs

Il project custa circa 800’000 francs. La radunanza communala da Trun sto anc approvar quel en il rom dal preventiv 2018. Sche tut va sco previs quintan ins da cumenzar a bajegiar la primavaira 2018 il parcadi nov.

RR novitads 17:00


Ord l'archiv