Siglir tar il cuntegn

Header

video
La «Casa Carigiet» a Trun duai daventar in center da cultura
Or da Telesguard dals 14.09.2020.
laschar ir
cuntegn

Trun La «Casa Carigiet» vegn reconstruida

Ils 19 da favrer 2019 è quest object brischà. Uss po l’Uniun Trun Cultura cumprar ella ed ina cumissiun dal fatg vul reconstruir ella.

Gronda sfida

Anc il settember vegn il tetg da protecziun tschentà, ed alura pon las lavurs da rumida cumenzar. Sco l’architect Remo Derungs che fa part da la cumissiun dal fatg di, pon ins duvrar mo pli ils mirs ed il fundament da la chasa.

Quai è ina gronda sfida. Igl è ina situaziun che nus na avain betg mintga di.
Autur: Remo DerungsArchitect

Object cun lunga istorgia

Ils emprims plans per reconstruir la chasa èn fatgs. La tgira da monuments dal Grischun ed autras instituziuns sustegnan finanzialmain quest object. I saja impurtant da mantegnair la chasa, di il manader da la tgira da monuments Simon Berger.

Ella furma il maletg dal vitg, ha ina lunga istorgia, è vegnida construida 1769 ed è impurtanta, perquai che la famiglia Carigiet ed ils dus artists èn naschì e creschì si là.
Autur: Simon BergerTgira da monuments

700'000 francs en ina emprima fasa

Sco il manader da la cumissiun dal fatg Thomas Imboden declera, duai la «Casa Carigiet» daventar in center cultural. La finamira è da metter questa chasa, la Casa Desax e l’anteriura fabrica da ponn sut in tetg.

L’idea è da preschentar quests stgazis culturals ad in public naziunal ed internaziunal.
Autur: Thomas ImbodenManader cumissiun dal fatg

Sco el di enavant stoppian els investir radund 700’000 francs en ina emprima fasa. Ma la reconstrucziun d’in nov bajetg custia alura plirs milliuns francs.

Ord l'archiv:

RTR novitads 12:00

Artitgels legids il pli savens

Scrollar a sanestra Scrollar a dretga