Il pictur-artis da Trun è mort dumengia suenter greva malsogna. Quai ha sia famiglia communitgà ad RTR. Schmed aveva 76 onns.
Gieri Schmed è naschì il 1943 a Trun. Il 1958 ha el fatg a Tavau l’emprendissadi da pictur e decoratur. El ha era dastgà lavurar cun Alois Carigiet. L'onn 1988 ha el survegnì il premi da promoziun dal chantun Grischun. Il 1993 ha el publitgà il cudesch « Konstellationen » ensemen cun il pader Daniel Schönbächler.
In zic damain po esser dapli
Sper Alois Carigiet e Matias Spescha era Gieri Schmed il pictur artist il pli enconuschent da la vischnanca da Trun. Ses motto era: In zic damain po esser dapli. El reduciva si'ovra sin l'essenzial.
Ord l'archiv
Gieri Schmed è sa deditgà a l'art. Schegea ch'in artist, quai sajan ins mai, ha el manegià.
Schmed ha duvrà pliras e lungas fasas en sia lavur per sa deliberar dal ballast, da l'ornament. L'essenzial - mo quel interesseschia el .
RR novitads 18:00