Siglir tar il cuntegn

Header

cuntegn

Trun Relasch da Matias Spescha survegn nov dachasa

Il relasch da l'artist da Trun, Matias Spescha tutga da nov a la fundaziun Ogna, cun sedia a Trun. Ils artavels, hajan surdà prest 1'000 ovras che documenteschan la vasta lavur artistica da Spescha. Quai sco donaziun, sco la fundaziun communitgescha.

La fundaziun Ogna è cun quai responsabla per tgirar il relasch da l'artist che ha passentà la gronda part da sia vita en Frantscha dal Sid. Gia il zercladur vul la fundaziun respectiv l'Uniun cultura Trun, ch'è responsabla per l'exposiziun, preschentar ina schelta da las milli ovras a la publicitad. Quai en l'anteriura fabrica da pon a Trun – en il «Spazi Spescha» che l'uniun aveva gia preschentà la primavaira passada. Tar il relasch sa tracti tranter auter d'installaziuns, sculpturas, picturas, dentant er da skizzas e da models.

Sco quai che la figlia da Matias Spescha ha fatg a savair, sajan ils artavels satisfatgs ch'il relasch turnia en la patria da l'artist. Matias Spescha era mort ils 28 da zercladur 2008 a Turitg. Il Telesguard ha rapportà:

video
Matias Spescha è mort
Or da Telesguard dals 01.07.2008.
laschar ir. Durada: 2 minutas 33 Secundas.

Or da l'archiv:

RTR novitads 06:00

Artitgels legids il pli savens

Scrollar a sanestra Scrollar a dretga