Siglir tar il cuntegn

Header

Navigaziun

cuntegn

Trun Relasch da purtrets da Carigiet vala plirs 100'000 francs

Dacurt ha il Museum Sursilvan Cuort Ligia Grischa a Trun survegnì il legat da Walter e Gertrud Gartmann. Uss ha l’anteriur directur dal museum d’art dal Grischun Beat Stutzer inventarisà e valità 69 objects.

Valita da tranter 300'000 – 500'000 francs

Tranter las ovras da Carigiet sajan maletgs en ieli da tranter 20’000-30’000 e passa 100’000 francs. Ils dissegns per ex. valan 500 – 15’000 francs. En tut sa tracta quai dad ina summa da plirs tschient millis francs, di Beat Stutzer. El n'ha betg vulì numnà in exempel concret, ma probabel è quai tranter 300’000-500’000 francs.

Valur artistica pli impurtanta che la valita finanziala

Pli impurtanta che la valita finanziala saja la valur artistica, di l’istoricher d’art. Ovras che plain ad el en spezial èn per exempel il grond maletg vid la paraid cun ils trais sontgs retgs, il maletg cun dunnas ed uffants sin ils funs ubain in aquarel ch'è ina emprima skizza dal maletg vid la paraid en il Cussegl grond a Cuira (che represchenta l’uniun da la Lia Grischa, la Lia da las diesch dretgiras e la Lia da Chadé).

Il legat da Gartmann respectiv questas ovras dad Alois Carigiet na pon ins betg cumprar. Ma ins po ir a guardar ellas en il Museum Sursilvan Cuort Ligia Grischa.

RR actualitad 08:00