Siglir tar il cuntegn

Header

cuntegn

Surselva Trun: ruschnera grazia a padrinadi cun Geroldswil e Giuseps

La scolina da Trun ha survegnì ina plattafurma cun ina ruschnera sin lur plazza da gieu. Finanzià quella ha la vischnanca da Geroldswil e l’Uniun da Giuseppas e Giuseps da Trun.

Var 10’000 francs ha la plattafurma cun ruschnera e ballabaina custà. Sper l’agid finanzial indigen entras l’Uniun da Giuseppas e Giuseps è la vischnanca da padrinadi Geroldswil sa participada cun ina summa. Tenor il president communal da Trun Dumeni Tomaschett è il padrinadi cun la vischnanca da Geroldswil impurtanta.

audio
Bunura: Padrinadi cun Geroldswil è impurtant per Trun
ord Actualitad dals 17.09.2016.
laschar ir. Durada: 2 minutas 32 Secundas.

Uschia po la vischnanca realisar projects che vegnissan probabel mai realisads. Per Geroldswil èsi il plaschair da pudair gidar ina vischnanca muntagnarda. Il president communal da Geroldswil, Michael Deplazes manegia ch’i saja grev per ina vischnanca muntagnarda da pudair lavurar economic ed uschia saja quai ina onur per els da gidar. Impurtant per omaduas vischnancas è dentant era il barat d’experientschas. Las vischnancas possian emprender ina da l’autra, di Michael Deplazes.

Il padrinadi da Geroldswil è naschì suenter las malauras dal 2002 cura che Geroldswil è s'engaschà per Schlans. Suenter la fusiun da las duas vischnancas da Schlans e Trun èsi stà cler per Geroldswil ch’i dat il padrinadi cun la vischnanca da Trun.

Artitgels legids il pli savens