Trun - Tiradur sto pajar chasti

A Trun è avant passa in onn in um da 25 onns mort entras in sajet d'ina buis durant ina festa da natalizi. La polizia aveva discurrì d'in accident. Il possessur da la buis, or da quella ch'il sajet è mitschà, è uss vegnì sentenzià. Il procuratur public Franco Passini ha ditg sin dumonda da la Südostschweiz ch'il possessur, in tiradur da sport dad uss 31 onns, saja vegnì sentenzià pervi da mazzament per negligientscha ed avair cuntrafatg a la lescha dad armas. La sentenzia munta ad in chasti pli aut cundiziunà ed ina multa.