L'uniun «Trun Cultura» ha pudì surpigliar las chasas Carigiet e Desax il prim d'avust en il dretg da bajegiar per 99 onns. Quai ha communitgà l'uniun. Entras il dretg da bajegiar per las duas chasas èsi pussaivel a «Trun Cultura» da concretisar ils plans per il museum Casa Carigiet e cumenzar cun las preparativas da bajegiar.
«Ils custs per quell’emprima fasa vegnan cuvretgs grazia ad ina donaziun privata, mo era grazia a las contribuziuns dals commembers, dal sustegn da la tgira da monuments e da l’assicuranza da bajetgs», uschia l'uniun. Trun Cultura preveda in diever pli cumplex per la Casa Desax restaurada. El plaunterren duai vegnir endrizzà ina biblioteca publica da litteratura rumantscha sursilvana ed ina «lounge». Per omasdus projects è Trun Cultura a la tschertga da daners da promoziun.
Ord l'achiv
Ils emprims plans per reconstruir la chasa èn fatgs. La tgira da monuments dal Grischun ed autras instituziuns sustegnan finanzialmain quest object.
