Siglir tar il cuntegn

Header

cuntegn

Tschaiver 2022 Ils Vagabunds fan dasdar ils da Sedrun

Da tutt’aura e cura ch’igl è anc stgir, van ils Vagabunds sin via la gievgia grassa a Sedrun. La musica da tschaiver ha sulet ina finamira – da far dasdar ils convischins e las convischinas. Igl è tschaiver!

L’attatga musicala baud la damaun sin las vias da Sedrun è fitg impurtanta per ils Vagabunds. Punct las sis han las 25 commembras e commembers che han gì temp oz, sunà ils emprims tuns atras las trumbettas, posaunas, sousafons e sin l'entira percussiun.

audio
Til matutin Sedrun: La populaziun vegn clamada ord letg cun suns e tuns
ord Actualitad dals 24.02.2022.
laschar ir. Durada: 3 minutas 13 Secundas.

La musica da tschaiver, tenor agens pleds «legendara», han dus amaturs dal tschaiver fundà il 1986. Ella cumpiglia actualmain 39 commembras e commembers.

Finalmain puspè tschaiver!

Las 25 commembras e commembers che sunan durant il til matutin da la gievgia grassa a Sedrun sa legran fitg da puspè pudair far tschaiver. La motivaziun è gronda, quai di era la presidenta, Anita Duff:

audio
Til matutin Sedrun: Anita Duff sa legra fitg da puspè pudair festivar
ord Actualitad dals 24.02.2022.
laschar ir. Durada: 3 minutas 31 Secundas.

In grond program

Suenter quatter u tschintg tocs, fan ils Vagabunds l'emprim stop. En ina garascha datti l'emprim caffe cun vinars. Suenter la punt en direcziun Dieni, fan ils Vagabunds in caraun enavos en il vitg, direcziun staziun dal tren.

Là ensolvan ils Vagabunds ensemen, avant ch'els sunan lura per las scolaras ed ils scolars durant la pausa gronda. Entant ch'ils uffants van enavos a scola, sa smincan ils Vagabunds da Sedrun per il til ch'entschaiva las 13:30.

audio
Til matutin Sedrun: Pausa e solver per la gugga
ord Actualitad dals 24.02.2022.
laschar ir. Durada: 3 minutas 1 Secunda.

Suenter il til e concert sin il plaz, prendan els ensemen cun trais autras guggas da la Cadi, la pendiculara si en il territori da skis. La saira è lura anc la festa gronda a Sedrun sez en in club.

In til per tut pretsch

Sedrun fa sco sulet lieu in til durant ses tschaiver. Che quai è pussaivel, è d'engraziar a l'iniziant, Daniel Schmid, ch'è s'engaschà fitg da far in til. Uschia ha el decis avant Nadal, da far in til per tut pretsch. Sche betg en furma d'in til atras il vitg, lura almain en la scola cun ils uffants, di Daniel Schmid. Ses engaschi n'è betg adina fruntà sin chapientscha, sco el di en l'intervista:

audio
Til matutin Sedrun: Daniel Schmid ha inizià il tschaiver cun til
ord Actualitad dals 24.02.2022.
laschar ir. Durada: 6 minutas 56 Secundas.

Il Telesguard ha rapportà il 2011 dal giubileum da 25 onns:

video
Ils Vagabunds en luna da festa
Or da Telesguard dals 03.03.2011.
laschar ir. Durada: 2 minutas 34 Secundas.

RTR actualitad 06:00

Artitgels legids il pli savens

Scrollar a sanestra Scrollar a dretga