Sin la via dal pass da l'Alpsu è in töffist cupitgà venderdi saira tar Tschamut. L'um e sia accumpagnadra èn sa blessads vid ils pes. Quai ha communitgà la polizia chantunala.
Sin via dal pass en direcziun Sedrun ha il töffist pers la controlla en ina curva a dretg ed è cupitgà cunter in mir da sustegn. Ils pazients èn vegnids tgirads tras l'ambulanza avant lieu e silsuenter vegnids transportads en l'ospital regiunal Surselva a Glion. La polizia chantunala sclerescha actualmain anc il motiv ed il andament da l'accident.