Siglir tar il cuntegn

Header

cuntegn

Tujetsch A la tschertga da 3 candidats per la cumissiun da gestiun

Martin Cavegn e Silvio Schmid candideschan per il post da president da vischnanca. Tenor ina glista en la gasetta locala, la Tuatschina dals 06-03-2020, sto Tujetsch era anc remplazzar autras persunas en ils gremis communals.

Mancanza da candidats novs

Fin uss datti mo 2 candidats novs, Reto Schmid e Patric Deragisch, per il cussegl da vischnanca.
En suprastanza manca anc 1 candidata/ candidat (per remplazzar Mario Hitz). En il cussegl da vischnanca mancan anc 2 candidats. E pliras persunas sto Tujetsch era tschertgar per las cumissiuns. En egl dat che l'entira cumissiun da gestiun sa retira (Tumaisch Valier, Primus Deragisch e Baseli Huonder).
Mo per il cussegl da scola candideschan tut ils 4 veders puspe.

Spustà la revisiun da la constituziun communala

Igl era previs d’eleger ils novs gremis en vischnanca cun reveder ordavant la constituziun communala (cun la consequenza da stritgar tschertas cumissiuns u reducir il dumber da commembers). Mo a chaschun da la seduta dals 17 da favrer 2020 ha la suprastanza decidì da returnar questa fatschenta a la cumissiun preparatorica per surlavurar ella.

Fin ils 27 da mars han ins temp da proponer candidats per ils posts vacants. L’emprim scrutini da las elecziuns en Tujetsch è ils 19 d’avrigl, il segund ils 7 da zercladur.

Elecziuns communalas Tujetsch 2020

President communal (1)
Martin Cavegn e Silvio Schmid stattan a disposiziun
Suprastanza communala (4)
1 candidatA manca
Cumissiun da gestiun (3)
3 canidatAs mancan
Suppleants cumissiun da gestiun (2)
2 candidatAs mancan
Cussegl da vischnanca (11)
2 candidatAs mancan
Suppleants cussegl da vischnanca (2)
1 candidatA manca
Cussegl da scola (4)
cumplet
Suppleant cussegl da scola (1)
cumplet
Cumissiun da bajegiar (4)
1 candidatA manca
Suppleants cumissiun da bajegiar (2)
1 candidatA  manca
Cumissiun Bogn Sedrun (2)
1 candidatA manca
Cumissiun museum (2)
1 candidatA manca
Cumissiun da verificaziun (3)
3 candidatAs mancan

RTR novitads 17:00

Artitgels legids il pli savens

Scrollar a sanestra Scrollar a dretga