La situaziun al «Lag da Claus» cun ils pileschs è dapi onns gia enconuschenta. La vischnanca da Tujetsch ha communabel cun Sedrun Mustér turissem infurmà en ina broschura che temperaturas autas pudessan avair sco consequenza che pileschs d’anda sa multiplitgeschan en il «Lag da Claus». Ma i na saja betg scumandà da nudar en il lai ha confermà la vischnanca da Tujetsch. Sulet saja impurtant da far bain la duscha suenter il bogn en il lai.
Vischnanca vul manar dapli aua el «Lag da Claus»
Per pudair megliurar la situaziun a lunga vista ha la vischnanca gia instradà da laschar vegnir dapli aua en il lai. Quai avess sco consequenza che la temperatura da l’aua fiss pli bassa e la circulaziun da l’aua fiss era meglra, ha ditg Simon Collenberg da la vischnanca da Tujetsch. Las lavurs per l’ulteriura lingia d’aua èn gia budgetadas e vegnan a cumenzar l’atun.
RR novitads 12:00