Tujetsch senza cussegl da vischnanca?

Cussegl da vischnanca ed urna ubain radunanza communala ed urna? Quai è ina dumonda che fatschenta en connex cun la revisiun da la constituziun communala da Tujetsch.

Fracziun da Rueras en Tujetsch Bild in Lightbox öffnen.

Legenda da maletgs: Fracziun da Rueras en Tujetsch RTR/hg

Questas duas variantas èn uss sin maisa, sco il president communal Beat Roeschlin ha ditg ad RTR. Ed omaduas hajan avantatgs.

Grev da chattar persunas per il cussegl da vischnanca

L’avantatg d’in cussegl da vischnanca saja ch’el possia represchentar las 11 fracziuns en vischnanca. Plinavant na dettia quai betg partidas politicas en vischnanca che fetschian las discussiuns. Mo i dat in problem: Igl è pli e pli grev da chattar persunas ch’èn prontas da s’engaschar en in parlament. L’avantatg da la radunanza communala saja ch’il singul burgais haja la pussaivladad da dir dapli, d'influenzar dapli e da far cuntrapropostas.

Vegnir pli effizients

La finamira da la revisiun da la constituziun communala saja da vegnir pli effizients e pli sperts, di Roeschlin. Ina cumissiun sto uss valitar las duas variantas. Suenter vul la suprastanza communala preschentar ina proposta al cussegl da vischnanca. L’ultim pled en quest chapitel han votantas e votants da Tujetsch a l’urna.