Tujetsch: Suprastant demissiunescha per immediat

La vischnanca da Tujetsch dovra in nov suprastant suenter che Christian Albin ha demissiunà per immediat, quai scriva la Quotidiana.

Vesta sin Tujetsch (Sedrun). Bild in Lightbox öffnen.

Legenda da maletgs: Pervia da la repartiziun dals departaments sto la vischnanca da Tujetsch uss tschertgar in nov suprastant. RTR, G. Hosang

Motiv per sia abdicaziun saja la repartiziun dals departaments en vischnanca. Christian Albin resentia sco act da disfidanza che la suprastanza haja surdà il timun da la cumissiun per la sanaziun e l'engrondiment dal bogn Sedrun al nov suprastant Guido Monn. El aveva manà quella cumissiun ils davos onns. Quai rapporta la Quotidiana sin basa d'infurmaziuns ord la revista Tuatschina.

La nov elegida suprastanza da Tujetsch era sa constituida avant paucs dis. Uss sto la vischnanca ir a la tschertga dad ina nova suprastanta u dad in nov suprastant.

RR actualitad 06:00