Il cussegl da vischnanca da Tujetsch ha tramess enavos a la suprastanza la lescha d'economia. La suprastanza duai anc surlavurar quella ina giada. La raschun è ch'i dettia problems cun il linguatg, problems stilistics e sematics, ha il president communala da Tujetsch Beat Roeschlin ditg ad RTR. El deploreschia quai, perquai ch'i saja necessari d'avair ton pli spert ina lescha d'economia.
Uss vegn la versiun surlavurada preschentada en in proxim cussegl da vischnanca.
Senn da la lescha è surtut da stgaffir novas plazzas en Tujetsch ed uschia da promover l'economia. La lescha duai esser la basa legala per sustegnair manaschis ed interpresas novas.
RR novitads 06:00