Siglir tar il cuntegn

Header

Navigaziun

cuntegn

Tujetsch – Tgèsa Sogn Vigeli Suenter trais onns vida – ad interim nova vita

L'anteriura chasa d'attempads a Sedrun, la «Tgèsa Sogn Vigeli» vegn laschada temporarmain a tschains da la vischnanca da Tujetsch. Dapi quasi trais onns èn ils bajetgs uss gia vids. Dentant deva quai era auters plans. Uschia vuleva la «Casa Soldanella» ina instituziun per persunas cun in impediment en vischnanca vegnir cun lur 12 cussadents da Rueras a Sedrun.

Quest project lantschà il 2016 n’è dentant anc betg vegnì realisà. La suprastanza communala da Tujetsch accentuescha dentant, ch'els vegnian immediat a surdar il bajetg sco era il terren a la fundaziun «Casa Soldanella», cura ch'ina decisiun saja sin maisa.

Plans da dischlocar da Rueras a Sedrun betg giud maisa

Ma sco la fundaziun «Casa Soldanella» ha confermà na sajan ils plans anc betg giud maisa. Il mument hajan ins dentant da reglar il futur dal manaschi. Uschia saja la «Casa Soldanella» dapi il favrer da quest onn senza in maina-chasa. Dapi lura haja ad interim la «Casa Depuoz» a Trun la responsabladad per la gestiun.

Tgi maina la «Casa Soldanella» en futur?

Las contractivas sajan dentant avanzadas, ha confermà il maina-chasa da la «Casa Depuoz». Concret na possian ina dentant anc dir nagut. Sur dal futur da la «Casa Soldanella» vegnian ins a decider proximamain, han confermà tant ils responsabels da la «Casa Depuoz» sco era quels da la «Casa Soldanella».

RR actualitad 08:00