Dapi ils 14 da mars 2016 è ina part da la Val Strem serrada. Davent da sisum il territori da skis da Mustér dovri anc ina ascensiun da strusch in'ura per pudair vegnir sisum la Val Strem. Perquai èsi savens d’observar che skiunzs van quella ruta e traversan alura era la zona da privel. Sco il schef da la gruppa da salvament da la colonna d’agid da Tujetsch Andi Müller di, saja il lieu da privel traversada cun skis en paucas minutas, quai che minimeschia il privel.
Tge capita tar in accident en la Val Strem
La situaziun stoppia da situaziun tar situaziun vegnir stimada da nov, di Andi Müller, ch’è era il manader da la scola da skis e guid da muntogna. Ina acziun ord l’aria nua ch’ins possia sgular ora ina persuna saja da bun'aura probabel da responsar. Sche quai dovria dentant ina acziun a pe, alura vegnia da resguardar la situaziun da privel. Ma in dretg sin salvament na dettia quai betg, pertge ins na mettia nagin en privel per liberar persunas che sajan idas voluntarmain en il privel.
La signalisaziun constat
Andi Müller constatescha che la vischnanca ha fatg il necessari per avertir davart la zona da privel. Uschia dettia quai tavlas d’infurmaziun ed ulteriuras infurmaziuns. Mintgin che va la ruta è infurmà ed uschia era responsabel per sia segirtad. Ma quai saja en general la situaziun en la muntogna. Il stimar privels saja surlaschà a mintgin e quai saja la libertad che las muntognas porschan.
RTR actualitad 11:15
