La Tudestga da 35 onns era ensemen cun ses partenari da viadi cun gianellas en direcziun da la chamona da Maighels cura ch'ella era vegnida sutterrada d'ina lavina. En in stadi critic era ella vegnida sgulada en l'Ospital chantunal a Cuira. Là è ella morta la notg passada pervi da sias grevas blessuras.
Ils dus viandants eran vegnids en la lavina ch'era sa distatgada vers mezdi. L'um da 40 aveva pudì sa salvar sez ed aveva clamà agid cun ses telefonin. Cun quai ch'el era era blessà n’ha el betg pudì tschertgar la dunna. Quella era vegnida chattada in mez meter sut la naiv dad in chaun da lavina da la secziun Terri dal CAS.
RR novitads 11:00