Tur gigantesca per Val?

Il hotel da 5 stailas che Remo Stoffel planisescha a Val S. Pieder duai vegnir realisà en furma d'ina tur gigantesca.

Vitg da Val S. Pieder Bild in Lightbox öffnen.

Legenda da maletgs: Surpassa ina tur gigantesca prest il clutger da la baselgia da Val S. Pieder? RTR, L. Livers

Quai rapportan gasettas da la dumengia e sa refereschan sin pliras funtaunas betg confermadas. La tur duai avair in'autezza da 380 meters, 3 giadas pli aut che la pli auta chasa en Svizra, il Prime Tower a Turitg. La realisabladad dal project dubitan spezialists dal fatg gia uss. Sin la plaunca nua ch’il hotel duai vegnir bajegià hai privel da bovas.

L’ultim pled en il chapitel vegn ad avair la populaziun da Vals. Per ch’il bajetg possia vegnir realisà, sto la vischnanca reveder il plan da zonas e far ina votaziun.

Il project da hotel cun 100 suitas da luxus da l'architect american Thom Mayne vegn preschentà ils 25 da mars a Turitg.

RR novitads 9:00