Turas classicas e Freeride - sports da skis sper pista

Cura che auters dostan ils skis giun tschaler e prendan nanavant il gril van els pir da dretg cun skis. Ils freeriders che vegnan da las muntognas giu e quels che van cun pels da las plauncas si.

La tura da skis classica - la via ensi

Tar la tura da skis classica quinta la via ensi tant sco la via engiu. «Ir ensemen da la muntogna si è sco meditar», manegia in participant da la gruppa dal guid da muntogna Geni Ballat. Dapi passa 30 onns maina il guid da Parsonz giuven e vegl segir sin ils pli differents pizs. Questa giada ha el manà in architect da Turitg, in chauffeur da 60 onns ed in birolist da 42 onns sin il Piz dal Corn Chamutsch en la Val dal Güglia.

«Freeride n'è betg in sport per la massa!»

Quai di Damian Camathias da Laax. Il giuven da 30 onns è atgnamain bankier e maina la filiala da la Raiffeisen a Flem. En ses temp liber sa participescha el dentant a concurrenzas internaziunalas da freeride. La finamira è da chattar la via la pli eleganta e spectaculara sur spundas taissas e grippa, giu da la muntogna. Quai n'e betg senza ristg e na gartegia er betg senza trenament.