- 19 tocs manads si en 30 onns
- 5 reschissur ed ina reschissura
- Fundaziun cun 23 commembers oz 72 commembers e commembras
Sin turnea cun «La reverenza»
La turnea lumneziana vegn giugada en il liber – sche pussaivel. En mintga fracziun èsi dentant era organisà uschia ch'ins po giugar endadens en cas da malaura. Sco quai che Simona Caviezel la presidenta da l’uniun da teater Cuschnaus di, saja il toc concepì per ordadora. Fin ussa hajan els savì giugar mo duas giadas ordador e trais giadas endadens.
La motivaziun da far ina tala turnea è vegnida dals giugaders sez. Els èn sa regurdads ch'i ha gia dà ina giada ina tala turnea e che quai aveva plaschì a giugaders ed aspectaturs. Dapi la fusiun da la Lumnezia è la gruppa da Cuschnuas l'uniun da teater che represchenta l’entira Lumnezia. Uschia saja era stà cler ch'els visitan tut las otg fracziuns. Vidlonder vegn anc ina producziun a Glion en il Cinema sil plaz, ed ina producziun a Platetg, cuntanschibel cun la sutgera da Triel.
RR Total local 11:45
