Siglir tar il cuntegn

Surselva Turnier da chavaltgar a Glion cun buna participaziun

Il 13avel turnier da siglir cun chavals a Glion è stà in success. Da quai da 180 partenzas en differentas disciplinas hai dà per gudagnar arbajas cun ils chavals.

Anastasia Wolf avant igl obstachel da siglir cun chaval  che simbolisescha la porta sura da la cità da Glion
Legenda: La presidenta dil comité d'organisaziun Anastasia Wolf è satisfatga dal turnier RTR, L. Livers

Quai sin in terren che n'era betg uschè simpel. Surtut la dumengia tar las disciplinas grevas cun ils pli auts obstachels èsi stà il pli bletsch. Anastasia Wolf, la presidenta dal comité d'organisaziun, ha manegià ch'il terren haja tegnì bain malgrà la plievgia da la sonda serra e da la dumengia.

La fin dal turnier è automaticamain l’entschatta per il turnier da l’auter onn. La 14avala ediziun è dentant betg garantida. I dependa adina dals sponsurs che ston onn per onn vegnir recaltgads. In tal turnier custa da quai da 25’000 francs.

Il pli grond giavisch da l’organisatura Anastasia Wolf fiss in plaz da sablun per chavaltgar. Quai fa fagess bler pli simpel l’entir'organisaziun e lura fissan els independents da l’aura. Ma quai vegnia a restar in siemi, manegia ella.