Dapi l'onn 2006 onurescha la Fundaziun Famiglia Georg Aliesch-Davaz prestaziuns spezialas per la cultura en il chantun Grischun. Tenor ina communicaziun da la fundaziun vegn surdà gievgia saira a Tusaun per la tschintgavla giada il premi da la fundaziun dotà cun 40’000 francs.
Premiada vegn la lavur da l'Uniun Kino-Theater-Rätia
L'uniun è vegnida fundada l'onn 1987 per salvar il kino a Tusaun. Oz ha l'uniun circa 550 commembers ed organisescha mintg'onn circa 330 represchentaziuns culturalas da differents geners. Quai cun prestar mintg’onn circa 1’200 uras lavur cumina.
RR novitads 20:00
