Uffants svizzers che vivan en l' Asia, l'America u er en l'Italia ed en Spagna, s’entaupan en quai champ.
La sentupada sper il lai en il Rufalipark a Sursaissa mussa cler e bain ch'ils uffants ch'enconuschan in l'auter dapi 3 dis, èn gia daventads amis ed amias. Las linguas da conversar in cun l'auter èn englais e tudestg svizzer.
Ils uffants en il champ a Sursaissa emprendan d’enconuscher lur ragischs svizras e quai a moda divertenta. Per il champ a Sursaissa ha Loic Roth, il manader da fatschenta da l’organisaziun elegì l'istorgia dad Uorsin. Per in uffant che viva a Jakarta en l'Indonesia è quai in' istorgia fascinanta che mussa insatge tipic svizzer.
L’idea fundamentala da l'«Organisaziun dals Svizzers a l'ester» e da pudair porscher quests champs a tut ils uffants – e quai independent dals meds finanzials da lur geniturs. Loic Roth ha manegià che betg mo ils uffants da diplomats duain avair la schanza da perscrutar lur ragischs.
RR actualitad 08:00