Al giavisch da Ramona Simonet e Lucas Lutz da pudair far teater ha la reschissura Tina Bundi gugent dà suatientscha. Era ella vuleva gia daditg ina giada far teater cun uffants. Trais mattatschas ed dus mattatschs preschentan il toc “Il niev computer” da Peter Gerold, che la reschissura ha translatà sezza. Tina Bundi spera che l’emprima producziun infecteschia anc ulteriurs uffants cun il virus da far teater uschia che la gruppa creschia in pau. Lura saja pli simpel da chattar buns tocs.
audio
Teater d'uffants a Mustér
ord RTR Audio dals 03.06.2015.
laschar ir. Durada: 3 minutas 12 Secundas.
La gruppa preschenta duas giadas il toc che cuzza var in’ura. Venderdi, ils 6 da zercladur 2015, las 20.00 e dumengia, ils 8 da zercladur 2015, las 17.00. Mintgamai en halla Cons a Mustér.