Ils purtrets en las medias da mammas cun lur uffants ch’èn sin la fugia è stà il culp per iniziar
ina pitschna fiera, declera l’inizianta e mussadra da scoletta Romana Deragisch. Las persunas d’instrucziun han sustegnì l’idea ed han gidà cun lur classas. Uschia è vegni fatg tarscholas, creflis e chandailas. Gievgia e venderdi è quai vegnì vendì a Sedrun e Rueras. Ils uffants han uschia pudì rimnar 3000 francs ch’els pon surdar cumplainamain a la Chadaina da fortuna. Sco quai che Romana Deragisch ha ditg, hajan tuts grond plaschair ch'i saja reussì da recaltgar ina uschè bella summa.