La discussiun, schebain ils lufs grischuns èn cruschads cun chauns, datti dapi ch'ils lufs èn returnads en il Grischun.
Jau hai survegni in video cun lufs che giappan. Jau n'hai anc mai vis en in film che lufs giappan, anc mai.
Analisas portan tschertezza
Sin fundament da tuns èsi strusch pussaivel da giuditgar schebain i sa tracta da chauns u da lufs che urlan. Per pudair identifitgar mintga luf fa il labor da la ETH a Lausanne analisas geneticas. Ils resultats vegnan publitgads sin la pagina da la KORA, l’organisaziun che fa il monitoring dals animals stgarpants en Svizra.
Studi mussa la situaziun actuala
Dals 115 lufs ch'èn vegnids alalisads en Svizra eran dus ibrids. In da quels, il M51 è vegnì confermà en il conturn dal Calanda. Dad omadus lufs na datti dapi intgins onns naginas identificaziuns pli, uschia ch'els èn tenor infurmaziun da l'uffizi da chatscha il pli probabel crappads. Il mument quinta l'inspectur da chatscha e pestga ch’i dettia nagins lufs ibrids el Grischun.
RTR actualitad 12:00