-
Bild 1 von 7. La chasa da scola Danis. Dapi il 1976 è qua suttetg il stgalim superiur da l'entira vischnanca da Breil. Bildquelle: RTR, Hugo Schär.
-
Bild 2 von 7. Avant l'entrada da la scola èsi ruassaivel las proximas 7 emnas. Bildquelle: RTR, Hugo Schär.
-
Bild 3 von 7. La plazza da pausa resta uss vida per 7 emnas da vacanzas. Bildquelle: RTR, Hugo Schär.
-
Bild 4 von 7. Plazza da pausa bandunada. Bildquelle: RTR, Hugo Schär.
-
Bild 5 von 7. Er las stanzas da scola restan vidas per las proximas emnas. Bildquelle: RTR, Hugo Schär.
-
Bild 6 von 7. La chasa da scola veglia a Danis ha già serrà las storas. La scoletta è er en vacanzas. Bildquelle: RTR, Hugo Schär.
-
Bild 7 von 7. Svenia Tuor (davos a mez) e sias conscolaras e ses conscolars. Bildquelle: RTR, Hugo Schär.
L'ultim onn da scola han 39 scolaras e scolars da l'entira vischnanca da Breil frequentà la scola secundara u reala a Danis. 12 d'els bandunan cun ils 30 da zercladur la scola. Els han terminà lur carriera da scola populara e fan uss il pass en la vita professiunala. Ils ins cumenzan gia glindesdi proxim, ils auters han anc intginas emnas vacanzas e cumenzan lura l'avust.
Clers plans per il futur
Svenia Tuor da Breil è ina da questas scolaras che terminescha oz sia carriera en la scola populara. Ella ha gia clers plans per ses futur e va vinavant a scola. Ella va a Glion e fa la scola propedeutica e sa prepara uschia per la Scol'auta da pedagogia a Cuira. Sia finamira professiunala è da daventar magistra primara. Svenia ha apprezià cunzunt il bun spiert da cuminanza en sia classa ils ultims trais onns.
Nagins termins
Er per Michael Friberg cumenza oz ina nov'etappa en sia vita. Suenter 44 onns magister en la vischnanca da Breil va el en pensiun. Per el va in temp professiunal intensiv a fin. Durant quests 44 onns è la scola sa sviluppada immens, uschia ha el ditg envers RTR. El sa legria ussa sin in temp senza termins e ch'el po planisar ses temp liber senza avair obligaziuns. Michael Friberg vul en spezial nizzegiar il temp per leger, viagiar, far viadis e sport.
-
Bild 1 von 3. Michael Friberg, suenter 44 onns en scola va el en pensiun. Bildquelle: MAD, Jorge Alipio Marques Ferreira dos Santos.
-
Bild 2 von 3. Michael Friberg piglia encunter las flurs e l'engraziament da la presidenta dal cussegl da scola, Selda Cavegn. Bildquelle: MAD, Jorge Alipio Marques Ferreira dos Santos.
-
Bild 3 von 3. La pensiun da Michael Friberg vegn celebrada, per vesaivel plaschair dal pertutgà. Bildquelle: MAD, Jorge Alipio Marques Ferreira dos Santos.
RR actualitad 08:00