Il mainafatschenta da la filiala dal Migros a Glion, Bruno Manetsch, di ch’el haja stuì tschentar en students che gidian ad els durant il temp d’advent. Uschiglio na vegnissian els betg suenter cun la lavur en stizun.
Il december essan nus 30% sur l’onn passà. Las persunas ston sa nutrir, ils restaurants èn serrads e sch’els van sin pista ston els era prender cun sai insatge.
Anc capacitad
La tavla avant l’entrada da la stizun che inditgescha sch'ins dastga entrar u betg è stada l’entir temp sin verd. Ils clients han pia dastgà entrar ed i n'ha dà nagina colonna. En stizun sez parevi però bain d'avair blera glieud.
Jau di sco igl è. Jau na vom betg gugent a cumprar en. Per mai è quai in stress.
Jau chat ch'igl è fitg stentus. Igl è fullanà plain glieud, quai fa mai tut confusa.
Tar l’entrada avevi fitg bleras persunas. Ma sch’ins gieva pli lunsch viaden en la stizun sa reparteva la clientella spert ed ins ha gì plaz d’ir in sper l’auter ora.