Siglir tar il cuntegn
cuntegn

Surselva Um mora suenter accident cun ballas da strom

Sonda è in um vegnì sut ina balla da strom. El è mort anc al lieu da l'accident.

ballas da strom en stalla
Legenda: Ina balla da strom greva è cupitgada sin l'um – el è mort da las blessuras. mad / Polizia chantunala GR

A Sedrun ha l'um (61) vulì preparar il strom per sterner la sonda. En quest mument è sa distatgada ina balla da strom da radund 400 kilos ed è cupitgada sin l'um. Persunas al lieu han pudì liberar il pur da la balla ed al tgirar fin ch'ils medis da l'ambulanza e da la Rega èn rivads. Quests han però mo anc pudì constatar la mort dal pur da Sedrun.

La Polizia chantunala investighescha las cundiziuns che l'accident ha pudì capitar.

RR novitads 10:00