Siglir tar il cuntegn

Header

cuntegn

Surselva Umens en servetsch da l’armada sin la via dal Lucmagn

«Persunas, lavinas e historias sil Pass Lucmagn» – uschia sa numna il cudesch da Ciprian Giger da Pardé en Val Medel. Sonda è stada la vernissascha a Curaglia.

audio
Bunura: Curaglia: vernissascha cudesch «Persunas, lavinas e historias dil Pass Lucmagn»
ord Actualitad dals 22.08.2016.
laschar ir. Durada: 2 minutas 41 Secundas.

En quest cudesch descriva el la lavur dals emploiads da l’armada svizra e da la Pro Lucmagn per tegnair avert la via dal pass. Quai da 1955 – 2015. Igl è ina incumbensa da l’armada perquai ch’ella ha ina staziun da radar sin il Piz Scopi sin 3'200 meters.

Lavinas

Surtut ils emprims onns e decennis han lavinas chaschunà fastidis e blera lavur. En memoria è anc adina la lavina dad Acla ch'ha custà la vita a trais persunas, tranter auter ad in emploià da l’armada, Battesta Flepp.

Ina persuna ch'è stada engaschada dapi l’entschatta è Martin Giger (*1927). El sa raquintar bleras istorgias.

Censura da l'armada svizra

Ciprian Giger ha dentant era pudì profitar da rapports, protocols e fotografias ord l’archiv militar. Mo il militar n'ha betg lubì da duvrar tut las funtaunas. Il cudesch è illustrà en tut cun passa 160 fotografias.

L'idea dal schef

Sco l’autur di haja ses schef, Clemens Berther, gì l’idea da documentar ils fatgs per l’archiv militar. La finala saja il material sa rimnà, ed el haja alura proponì d'edir in cudesch.

Quel na documentescha betg mo il servetsch d’enviern dals ultims 60 onns, el è era ina part impurtanta da l’istorgia locala e regiunala.

RR actualitad bunura

Artitgels legids il pli savens