Wendelin Hürlimann è vegnì undrà per ses engaschament endinà sur varga trais decennis en favur dals guauds da ruver en la vischnanca da Breil, ha l’Uniun «proQuercus» argumentà sia decisiun.
Dus ulteriurs premis
Sper Wendelin Hürlimann ha l’Uniun era undrà la vischnanca da Haute-Aioie per la reintegraziun dal ruver en in guaud dominà da plantas da dascharina e Mia Leu e Petra Schelling per l’ediziun dal cudesch: «Zwischen Himmel und Erde – Die Eiche von Melchbühl in ihren letzten Tagen.» Il premi è dotà cun 3’000 francs
L'uniun per la promoziun dal ruver
L’Uniun «proQuercus» è vegnida fundada l’onn 2001. Sia finamira è il mantegniment e la promoziun dal ruver cun resguardar ils aspects ecologics, economics e culturals. L’uniun represchenta tut ils acturs principals da la chadaina da la creaziun da valur dal ruver en Svizra e s’engascha en favur d’in svilup da quell’ierta natirala e culturala.