Persunas che disturban las zonas da repaus da la selvaschina en il chantun Uri, ston pajar in chasti da 150 francs. La regenza da l'Uri ha uss elegì las persunas che fan las controllas. Surtut las fin d'emnas, durant il temp da vacanzas u er ils dis suenter ch'igl ha navì, vegnan fatgas las controllas.
Sco Josef Walker da l'Uffizi da guaud e chatscha dal chantun Uri ha ditg envers RTR, datti er en la regiun dal Nätschen intginas zonas da repaus per la selvaschina. I na dat dentant naginas zonas che van sur ils cunfins dals dus chantuns Uri e Grischun e perquai na datti en quest sectur er nagina collavuraziun tranter ils chantuns.
RR novitads 12:00