Urs Kellenberger banduna l'ospital regiunal Surselva

La primavaira 2017 va il directur da l'ospital en pensiunament anticipà. L'ospital tschertga in successur.

Urs Kellenberger. Bild in Lightbox öffnen.

Legenda da maletgs: Urs Kellenberger sa retira sco directur da l'ospital a Glion. RTR, L. Livers

Il directur dal spital regiunal Surselva Urs Kellenberger sa retira la primavaira 2017 da ses post e va cun 62 onns anticipadamain en pensiun. Quai ha Kellenberger ditg a Radiotelevisiun Svizra Rumantscha. Quest pass saja stà planisà davent da l'entschatta, cura ch’el saja entrà en l’ospital il november 2013.

Dal tut na sa retira Urs Kellenberger dentant betg dal sectur da sanadad. En l'avegnir vegn el a lavurar sco cussegliader per interpresas dal sectur da sanadad en la Svizra da l'Ost. Il cussegl d'administraziun è vi da las preparativas per tschertgar ina successura uin successur per il spital regiunal a Glion.

RR novitads 10:00