Siglir tar il cuntegn
cuntegn

Surselva «Uss stat ina giada la Surselva en il center»

Per in’emna trenescha il club da ballape da la Bundesliga, il Hamburger Sportverein, en Surselva. Quai grazia ad in partenadi tranter Grischun Vacanzas ed il HSV.

gaudenz thoma, ceo grischun vacanzas
Legenda: Il CEO da Grischun Vacanzas, Gaudenz Thoma è cuntent ch'il HSV ha resguardà la Surselva per il camp da trenament. Keystone

I n’era dentant betg cler davent da l’entschatta che Schluein e la Surselva sajan il lieu ospitant. Tenor Gaudenz Thoma da Grischun Vacanzas, hajan ins guardà plirs lieus. Tar l’US Schluein Glion e las 5 vischnancas ch’èn s’engaschadas per il project hajan els sentì, ch’igl era avant maun in grond vulair ed engaschi.

Gaudenz Thoma è fitg cuntent ch’il camp è en Surselva e che quella è ina giada en il center. Quai saja ina gronda schanza per la Surselva. El stima era, ch’il HSV vegn en Rumantschia. Quai saja bel per la Rumantschia, dentant er interessant per ils giasts. Blers reageschian positiv sin la trilinguitad dal chantun Grischun.