USSI Schluein Glion sa legra sin l’Austria

Emoziun pur, plaschair nar, sfida immensa, simplamain in siemi per mintga giugader. Uschia savess ins resumar las reacziuns dals giugaders da Schluein Glion.

Ils giugaders en cotschen en la nebla da Schluein. Bild in Lightbox öffnen.

Legenda da maletgs: Il trenament a Schluein ha cumenzà. Keystone

Il trenader da l'equipa naziunala Austriaca Marcel Koller en la plievgia da Schluein Avrir maletg en lightbox.

Legenda da maletgs: Il trenader da l'equipa naziunala austriaca Marcel Koller en la plievgia da Schluein RTR, L.Livers

Quest’emna trenescha la squadra da ballape naziunala da l’Austria a Schluein.

Ils Austriacs sa preparan en Surselva cun lur trenader Marcel Koller per il campiunadi europeic en Frantscha (10 da zercladur enfin 10 da fenadur). Punct culminant da l’emna da trenament vegn ad esser in gieu da test tranter la naziunala austriaca e l’US Schluein Glion.

Il gieu Schluein Glion encunter Austria è la gievgia saira - la tensiun crescha dentant di per di. Sco ch’il president dal club da ballape USSI Schluein ha detg ad RTR, haja el intervegnì che tut ils giugaders sajan fits e pronts per giugar encunter ils austriacs. Era sch’in u l’auter haja da far magari cun blessuras e mals – uss èn tut quels mals davent perquai che mintgin vul dastgar dar encunter la naziunala da l’Austria.

Julian Baumgartlinger da la squadra naziunala da l’Austria dat autograms. Avrir maletg en lightbox.

Legenda da maletgs: L'austriac Julian Baumgartlinger dat autograms. RTR, L. Livers

Il trenader da l'equipa Schluein Glion, Cyrille Belinga, sa legra sin quella sfida. Er el n’haja anc mai dastgà dar encunter ina equipa naziunala. Sia finamira pe ril gieu: betg perder memia aut.

RR actualitad 11:30 / 17:00